Жаңалықтар Жергілікті

ЖАНТ: Кілт жастарда…

Жастық шақ – пайдалы білім, адал еңбекпен өтуі тиіс. Ұл мен қызға дұрыс тәрбие беріп, тура бағыт сілтеу ата-ананың парызы.

Перзентінің әрбір шалыс басқан қадамы мен бейқам өткен уақыты үшін әке-шешесі жауапты болады. Діннен адасса да, солай…

Түркістандағы “Рақым” колледжінде студенттермен “Болашақтың кілті жастарда” тақырыбында сұхбат өтті. ЖАНТ мүшесі Камран Шерахмет бала күнде алмаған діни білімді, енді өз таңдауларына түскенде жаңылыс баспауға шақырды.

Студенттерге уахабизм мен салафизмнің айырмашылығын, терроризмнің не екенін түсіндірді. Сондай-ақ, экстремизмнен сақтану үшін сенімнен адаспайтындай деңгейде мешітте діни сауат ашу керектігін айтты.

Жастардың сұрақтарына жауап берді. Алдағы сынақтардан сүрінбей өтулеріне тілектестік білдірді.

Түркістан қалалық орталық мешітінің баспасөз қызметі

Пікір жазу