30.9 C
Turkestan
Сәрсенбі / 18 Қыркүйек 2019 / 19 Muharram 1441
Таң:
Күн:
Бесін:
Екінті:
Шам:
Құптан:
Сәрсенбі / 18 Қыркүйек 2019 / 19 Muharram 1441
Yassi.kz – Діни-танымдық порталы
Әр түрлі Мақалалар

БАС МҮФТИ: -ХАЛЫҚҚА ҚЫЗМЕТ ЕТУДЕН АСҚАН ҒАЗИЗ НӘРСЕ ЖОҚ

Расында, халыққа қызмет етуден асқан ғазиз нәрсе жоқ. Жұрттың қарапайым талап-тілегін орындау – кез келген салаға жауапты тұлғаның асыл борышы.
Ардақты пайғамбарымыз Мұхаммед (оған Алланың салауаты мен сәлемі болсын): «Араларыңда ең жақсыларың – айналасына пайдалы болғандарың», – деп қоғамға шуағын шашып, жақсылығын жайып жүретін көпшіл кісінің мәртебесін ерекше атап өткен.
Осындайда халық даналығында айтылатын:
«Жаман ердің қайғысы,
Өз отының қасында.
Жақсы ердің қайғысы,
Ауылының басында», – деген орамдар ойға оралады…
Кешегі Жолдауда жекелеген азаматтардың өтініш-тілектері мен талаптары міндетті түрде орындалатыны айтылды. Бұл – құптарлық іс.
Әлем мойындаған ғұлама әл-Фарабидің 1150, хәкім Абайдың 175 жылдық мерейтойына орай тұлғаларымыздың еңбектерін халық арасында дәріптеу мәселесі де сөз болды.
Ислам дінінің адамгершілік құндылықтарын насихаттауда әл-Фараби, Абай, Шәкәрім, т.б. тұлғаларымыздың өмірі мен өшпес мұрасы құнды құрал бола алады.
Қазақстан мұсылмандары діни басқармасы бірнеше жылдан бері «Дін мен дәстүр жылы» бастамасы аясында уағыз-насихат жұмыстарында қазақ халқының би-шешендері мен ақын-жырауларының, ғұлама-ғалымдарының ұлағатты сөздерін, тағылымды тұжырымдарын насихаттап келеді. Бұл игі іс әрдайым жалғасын таба бермек.
Жолдауда экономикалық әлеуетімізді арттырумен қатар, білім сапасын көтеруге айрықша мән берілді.
Иә, білім – баға жетпес қазына. Ілімсіз өркениет жоқ. Бүгінде күш пен қуат – білімде. Ғылымнан асқан қымбат дүние жоқ. Пайғамбарымыз Мұхаммед (оған Алланың салауаты мен сәлемі болсын): «Білім мен хикмет мұсылмандардың жоғалтқан қазынасы, қай жерден тапса да иемденіп алсын», – деген. Оқу орындарында оқып жүрген ұл-қыздарымыз, бауырларымыз ел-жұртқа пайда әкелер білім ізденсе, әлемнің ең озық технологияларын үйреніп, оны өзгеге үйретсе – елге қосқан үлесі осы болмақ.
Алла Тағала мемлекетіміздің болашағын баянды етіп, халықтың әл-ауқатын көтеру жолындағы игі істерімізге береке бергей! Әмин!

Серікбай қажы ОРАЗ,
Қазақстан мұсылмандары діни
басқармасының төрағасы, Бас мүфти

 

 

Әлеуметтік желідегі парақшадан алынды

Ұқсас жазбалар

ОТАҒАСЫНЫҢ МІНДЕТТЕРІ

Yassi.kz

МҰХАРРАМ АЙЫ БАСТАЛДЫ. АШУРА КҮНІ ҚАШАН?

Yassi.kz

ҒИБРАТНАМА: САРЫ БИДІҢ ЖАУАБЫ

Yassi.kz

Пікір қалдыру